Frankfurt sousu resepti

chef.az saytı olaraq çalışırıq ki, sizə hər zaman gördüyünüz, bildiyiniz Reseplerden fərqli resepler təqdim edək

Tərkibi

• şüyüd
• cəfəri
• göy soğan
• ispanaq (başqa göyərtilər də götürə bilərsiniz)
• 250 q xama
• 3 bişmiş yumurta
• 3 x.q. bəyaz üzüm sirkəsi
• 6 x.q. günəbaxan yağı
• 1 x.q. xardal
• duz, istiot, şəkər tozu

Hazirlama qaydasi

1. Yumurtaları suda bişirin, ağını sarısından ayırın. Yumurta sarılarını çəngəllə əzib bitki yağıyla qarışdırın. Xardalla sirkəni, zövqə görə şəkər tozu, duz, istiot qatıb eynicinsli kütlə alınanadək qarışdırın.
2. Yuyulub suyu çəkilmiş göyərtini xırda doğrayın. Ət maşını, yaxud blenderdən də keçirə bilərsiniz.
3. Xamanı göyərtiylə qarışdırın, yumurta sarısı ilə olan qarışığı əlavə edin, eynicinsli kütlə alınanadək qarışdırın. Bişmiş yumurta ağlarını da xırda doğrayıb əlavə edin. Təxminən 1 saat otaq temperaturunda saxlayın.
4. Frankfurt sousu bişmiş kartof və ət xörəklərinin yanında süfrəyə verilir